Tŷ’r Cwmnïau a Diogeledd Cardiau Credyd/Debyd Ar-lein

Mae Tŷ’r Cwmnïau bellach yn cymryd rhan yn MasterCard SecureCode a Verified by Visa (a adwaenir ar y cyd fel 3D Secure) i wella diogeledd talu ar-lein drwy gerdyn credyd/debyd.

Nod y gwelliannau hyn yw gwarchod taliadau ar-lein dros y we drwy sicrhau nad oes rhywun arall yn defnyddio’ch cerdyn talu. Cafodd y gwasanaethau dan sylw eu cyflwyno gan Mastercard/Maestro a Visa mewn cydweithrediad â’r banc a roddodd eich Cerdyn Credyd/Debyd.

Os yw’r cerdyn a ddefnyddiwch i dalu am ein gwasanaethau yn perthyn i’r cynllun, wrth ichi gofnodi manylion eich cerdyn ar ein tudalen talu gallwch gael eich dargyfeirio i dudalen rhoddwr eich cerdyn. Dim i chi ac i roddwr eich cerdyn y bydd y  broses hon yn weladwy ac mae’n gwbl ddiogel.

O’r fan hon, byddwch naill ai:

• Yn cael eich gwahodd i gofrestru gyda Verified by Visa neu MasterCard SecureCode. – Os oes gennych bryderon ynghylch y gwasanaeth newydd hwn, gall rhoddwr eich cerdyn ganiatáu ichi fynd ymlaen heb gofrestru, ond argymhellwn eich bod yn cysylltu â rhoddwr y cerdyn i gael gwybod am y gwasanaeth gan y byddant yn y pen draw yn mynnu’ch bod yn cofrestru er mwyn parhau i dalu ar-lein.
• Yn cael eich procio i gofnodi’ch côd personol/cyfrinair os cofrestroch chi o’r blaen gyda rhoddwr eich cerdyn. – Bydd angen ichi ddilyn y cyfarwyddiadau ar y sgrin i gofrestru’n ddiogel a dethol cyfrinair i’ch cerdyn.
• Yn cael bwrw ymlaen â’r broses dalu os nad yw rhoddwr eich cerdyn yn cymryd rhan yn y cynllun.

Wedi ichi ddewis un o’r uchod, eir yn ôl â chi i’n gwefan i gwblhau’ch archeb.

Yn anffodus, ni fydd modd i Dŷ’r Cwmnïau ateb cwestiynau cwsmeriaid yn uniongyrchol ac felly dylai pob ymholiad ynglŷn â Verified by Visa a MasterCard SecureCode gael ei gyfeirio’n uniongyrchol at roddwr eich cerdyn.

Cliciwch yma i ddysgu mwy am Verified by Visa	Cliciwch yma i ddysgu mwy am MasterCard SecureCode

Unwaith eich bod wedi cofrestru, bydd pob taliad yn y dyfodol drwy’n gwasanaeth WebCHeck neu WebFiling yn cael ei gwblhau gyda’r diogeledd ychwanegol hwn wrth ichi ddefnyddio’r un cerdyn credyd neu ddebyd.

Dylech sylwi bod y newidiadau hyn yn cael eu gwneud gan y dosbarthwyr cardiau’n uniongyrchol ac nid gan Dŷ’r Cwmnïau. Felly, dylai unrhyw ymholiadau ynghylch 3D Secure gael eu cyfeirio at ddosbarthydd eich cerdyn, nid Tŷ’r Cwmnïau.

Cwestiynau Mynych