Sut alla i gyrchu gwybodaeth nad yw ar gael trwy Gynhyrchion a Gwasanaethau Tŷ’r Cwmnïau?

Mae Tŷ’r Cwmnïau yn darparu cryn dipyn o wybodaeth ar y wefan hon, a hefyd drwy’r Cynllun Cyhoeddi.

O dan y Ddeddf Rhyddid Gwybodaeth, mae’n rhaid i bob awdurdod cyhoeddus gynhyrchu Cynllun Cyhoeddi. Dyma gofrestr yn disgrifio’r wybodaeth a gadwant ac y trefnir ar hyn o bryd iddi fod ar gael i’r cyhoedd; o ble y gellir cael yr wybodaeth; ym mha ffurf; a ph’un a ydyw ar gael yn rhad ac am ddim neu beidio, gan anelu, lle bynnag y bo modd, at gynnig ffordd rwydd o’i chyrchu.

Beth os nad yw’r wybodaeth sydd angen arna i ar gael ar y wefan neu drwy’r Cynllun Cyhoeddi?

Os na allwch weld beth a geisiwch ar ein gwefan neu yn y Cynllun Cyhoeddi, gallwch wneud cais am yr wybodaeth honno o dan y Ddeddf Rhyddid Gwybodaeth. Os ceisiwch wybodaeth bersonol y gallwn fod yn ei chadw amdanoch, gallwch fynnu’r wybodaeth honno o dan y Ddeddf Gwarchod Data.

 phwy y dylwn gysylltu i fynnu gwybodaeth?

Cysylltwch â’r Tîm Hawliau Gwybodaeth, Tŷ’r Cwmnïau, Ffordd y Goron, Caerdydd CF14 3UZ

Ffôn: 029 2038 0616

Ffacs: 029 2038 0149

E-bost: jchainey@companieshouse.gov.uk
E-bost: charnett@companieshouse.gov.uk

A fydd Tŷ’r Cwmnïau bob amser yn rhoi imi’r wybodaeth a geisia i?

Nid hawl absoliwt mo’r hawl i sicrhau gwybodaeth: gall gwybodaeth fod wedi’i heithrio o dan y Ddeddf Rhyddid Gwybodaeth neu’r Ddeddf Gwarchod Data am nifer o resymau. Am ragor o wybodaeth ynghylch eich hawliau o dan y ddeddfwriaeth hon, gweler www.dca.gov.uk/peoplesrights.htm.