Cwestiynau Mynych
Pam bod Tŷ'r Cwmnïau yn cadw Cofrestr o Gyfarwyddwyr a Waharddwyd?
Mae'n rhaid i'r Ysgrifennydd Gwladol wneud hynny o dan adran 18 o Ddeddf Gwahardd Cyfarwyddwyr Cwmni 1986. Mae'r Ysgrifennydd Gwladol wedi dirprwyo'r cyfrifoldeb hwn i'r Cofrestrydd Cwmnïau.
Alla i gael copi o orchymyn gwahardd gan Dŷ'r Cwmnïau?
Na allwch. Nid yw'r llysoedd yn anfon copïau o orchmynion gwahardd at Dŷ'r Cwmnïau. Bydd swyddogion y llysoedd yn crynhoi gwybodaeth y gorchmynion er mwyn cwblhau ffurflenni penodedig a ddefnyddir wedyn i roi gwybod i Dŷ'r Cwmnïau am waharddiad rhywun.
Rydw i wedi edrych ar y Gofrestr o Gyfarwyddwyr a Waharddwyd a does dim sôn am y person y mae gen i ddiddordeb ynddo/i - beth mae hyn yn ei olygu?
Un o'r tri pheth canlynol:
- nid yw'r person wedi ei (g)wahardd ac ni chafodd erioed mo'i (g)wahardd;
- cafodd y person ei (g)wahardd yn y gorffennol ond ers hynny mae'r gorchymyn gwahardd wedi mynd yn ddirym (ni chedwir cofrestr o orchmynion gwahardd a aeth yn ddirym);
- mae'r person wedi ei (g)wahardd ond ni roes y llysoedd wybod inni'n swyddogol eto.
|
Yn ôlBrigArgraffu'r tudalenTudalen e-bostMap o'r wefan
Canolfan Cysylltu: +44 (0)870 33 33 636 ar gael 08:30 hyd 18:00 (amser y DU) 
Ebost: 
