Llwyddiant i Dŷ’r Cwmnïau sydd wedi Ennill Gwobr!

Mae Tŷ’r Cwmnïau sydd yn asiantaeth o’r Adran Masnach a Diwydiant wedi cyflawni llwyddiant hollol newydd ar ddiwedd blwyddyn heriol. Neithiwr enillodd Tŷ’r Cwmnïau wobr y rhuban glas gan Gymdeithas Cyfrifiaduron Prydain: Prif Wobr am y prosiect rheolaeth gwybodaeth gorau yn gyffredinol. Yn ogystal â’r deyrnged diwedd blwyddyn wych hon, enillodd y corff wobrau a chafodd ei rhoi ar y rhestr fer mewn sawl cystadleuaeth bwysig yn 2006, yn cynnwys

Gan siarad am y llwyddiant hwn, dywedodd Prif Weithredwraig Tŷ’r Cwmnïau, Claire Clancy ‘Rydym yn gweithio’n galed tuag at ein nod o fod yn ddarparydd gwybodaeth o’r radd flaenaf. Ar adeg o newidiadau mawr rydym eisiau i’n staff, y Gwasanaeth Sifil a’r cyhoedd yn gyffredinol deimlo’n galonogol ynglŷn â’r hyn yr ydym wedi ei gyflawni. Mae’n ffordd ardderchog o orffen y flwyddyn’. Ynghyd â hyn bu cyflawniadau hollol newydd yn effeithlonrwydd prosesu a rheolaeth y Gofrestr Gwmnïau a rhai o’r canlyniadau arolygon bodlonrwydd cwsmeriaid uchaf erioed.

Mae Tŷ’r Cwmnïau yn rheoli’r bas data ar gyfer yr holl 2.5 miliwn o gwmnïau sydd wedi’u cofrestru ym Mhrydain gan sicrhau bod ein busnesau a’n heconomi yn elwa o’r gwasanaethau gorau a mwyaf effeithiol posibl. Mae’r llwyddiannau hyn yn batrwm mewn gwasanaethau cyhoeddus ac yn deyrnged i staff yr Adran Masnach a Diwydiant a Thŷ’r Cwmnïau.

Mynediad i’r Cyhoedd: Mae Tŷ’r Cwmnïau yn cynnal mynediad cyhoeddus i’w wasanaethau trwy ei Wefan www.companieshouse.gov.uk ac anogwn ddefnyddwyr busnes a’r cyhoedd i ddefnyddio’r gwasanaeth hwn.

Ffeilio Electronig Diogel i Gwmnïau: Mae nifer cynyddol o gwmnïau hefyd yn defnyddio ein gwasanaethau electronig diogel hawdd i’w defnyddio i gofrestru eu dogfennaeth fel dewis arall i gyflwyniadau papur ac anogwn gwsmeriaid newydd a chyfredol i ddefnyddio’r cyfleuster ardderchog ac effeithlon hwn (gwybodaeth ar ein Gwefan).

Nodiadau i Olygyddion: Mae Tŷ’r Cwmnïau yn Asiantaeth Weithredol o’r Adran Masnach a Diwydiant gyda chyfrifoldeb am gorffori a diddymu cwmnïau cyfyngedig, am gofrestru gwybodaeth a gyflenwir ganddynt i’r Cofrestrydd Cwmnïau o dan y Ddeddf Cwmnïau a deddfwriaeth berthynol ac am wneud yr wybodaeth hon ar gael i’r cyhoedd.

Neil White:

Cyfathrebiadau Mewnol a’r Wasg

029 20380161