Dod o hyd i wybodaeth am gwmni
WebCHeckMae gwasanaeth WebCHeck yn cynnig Mynegai Chwiliadwy o Enwau a Chyfeiriadau Cwmnïau yn rhad ac am ddim sy’n ei gwneud yn bosib ichi chwilio am wybodaeth ynghylch mwy na 2 miliwn o gwmnïau. Gellir chwilio’r cwmni drwy ddefnyddio naill ai ei enw neu ei rif cofrestru unigryw. Yn ychwanegol at fanylion di-dâl y cwmni, gallwch hefyd ddefnyddio WebCHeck i brynu ei gyfrifon a’i ffurflenni blynyddol diweddaraf yn ogystal â detholiad o adroddiadau cwmni, i gyd ar-lein. Fe delir drwy gerdyn credyd a chaiff pob cynnyrch ei drosglwyddo’n electronig i fan dadlwytho unigryw, diogel.
Cliciwch yma i fanteisio ar drefn WebCHeckSylwch: Dim ond yn Saesneg mae gwasanaeth WebCHeck ar gael
Companies House Direct
Companies House Direct yw ein prif offeryn chwilio i gyrchu a dadlwytho gwybodaeth am gwmnïau yn uniongyrchol o’ch PC eich hun. Mae dros 240 miliwn o ddelweddau o ddogfennau cwmni ar gael, gan gynnwys cyfrifon cwmni, yn ogystal ag amrywiaeth helaeth o wybodaeth cronfa ddata. Gwasanaeth tanysgrifio yw Companies House Direct, ac mae nawr ar gael yn rhad ac am ddim, ac wedi hynny fe gostyngir y ffi danysgrifio fisol o £5.00 fel rhan o’ch anfoneb fisol, a fyddai hefyd yn cynnwys unrhyw ddogfennau neu gynhyrchion y gallwch fod wedi eu prynu.
Rhestr Brisiau Companies House Direct
Cliciwch yma i ddysgu mwy am wasanaeth Companies House Direct
Sylwch: Dim ond yn Saesneg mae gwasanaeth Companies House Direct ar gael
MonitorGallwch gadw llygad ar eich cystadleuwyr neu hyd yn oed eich cwmni eich hun a ‘monitro’ pa ddogfennau a gafodd eu ffeilio yn Nhŷ’r Cwmnïau, drwy ddefnyddio’r gwasanaeth Monitor o fewn Companies House Direct. Ni raid ond cofrestru’ch cyfeiriad e-bost, a manylion y cwmnïau a’r dogfennau y mae gennych ddiddordeb ynddynt. Cyn gynted ag y caiff y dogfennau eu cofrestru a’u sganio, bydd y system yn cydnabod eich diddordeb ac yn anfon hysbysiad drwy e-bost atoch. Wedyn, gallwch benderfynu a ydych am archebu delwedd y ddogfen. Chi biau’r dewis.
Am wybodaeth bellach ynghylch Monitor, ymwelwch â thudalen gwe Companies House Direct neu ffonio’r Ddesg Gymorth ar 08457 573991
Sylwch: Dim ond yn Saesneg mae gwasanaeth Monitor ar gael
Cyfarwyddiadur DVD-ROM
Mae’r Cyfarwyddiadur DVD ROM yn cynnwys manylion sylfaenol dros 2 miliwn o gwmnïau byw a gofrestrwyd yng Nghymru, Lloegr a’r Alban ynghyd â chwmnïau sydd wedi’u diddymu yn ystod y mis diwethaf. Fe allwch chi chwilio’r DVD hefyd, gan gyfuno hyd at 6 chwiliad. Y dewisiadau wrth chwilio yw enw’r cwmni, rhif y cwmni, llinellau cyfeiriad y swyddfa gofrestredig, côd post, dyddiad corffori neu amrediad o ddyddiadau, Codau SIC(03) neu ddisgrifiad, math o gwmni, statws y cwmni neu fath o gyfrifon.
Cynhyrchir cyfarwyddiadur bob mis a gallwch brynu un copi am £30 neu danysgrifiad blwyddyn am £300. Mae copïau ar gael o Ganolfannau Gwybodaeth Tŷ’r Cwmnïau, neu gallwch brynu DVD ROM dros y ffôn oddi wrth yr Adran Gofal am Gwsmeriaid ar 02920 380820 a thalu gyda Cherdyn Credyd/Debyd neu drwy lythyr ynghyd â siec yn daladwy i ‘Tŷ’r Cwmnïau’ a’i hanfon at Gofal am Gwsmeriaid, Tŷ’r Cwmnïau, Ffordd y Goron, Caerdydd, CF14 3UZ.
Sylwch nad yw’r Cyfarwyddiadur DVD ROM yn dangos manylion trosiant blynyddol, rhifau ffôn na manylion y cyfarwyddwyr. Ni ellir allfudo’r wybodaeth a ddangosir, ond rydym yn darparu fersiwn unigol o’r cyfarwyddiadur gyda ffeiliau y gellir eu hallfudo am £1,200. Y nifer fwyaf o ganlyniadau y gellir eu hallfudo ar unrhyw adeg yw 30,000.
Am wybodaeth bellach neu ymholiadau ynghylch y cynhyrchion DVD ROM, ffoniwch (0)29 20 380820 neu e-bostiwch eich enw, enw’ch cwmni, eich cyfeiriad post llawn a’ch rhif ffôn, gan nodi pa gynnyrch mae gennych ddiddordeb ynddo, at products@companieshouse.gov.uk 
Mynegai Newid Enw a Chwmnïau wedi eu Diddymu ar DVD-ROM Mae’r Mynegai Newid Enw a Chwmnïau wedi eu Diddymu ar DVD ROM yn darparu gwybodaeth sylfaenol am gwmnïau sydd wedi cael eu diddymu neu wedi newid enw yn ystod yr 20 mlynedd diwethaf yng Nghymru, Lloegr a’r Alban. Fe allwch chi chwilio’r DVD hefyd ac adnabod cwmnïau yn ôl y meini prawf canlynol: enw’r cwmni, rhif y cwmni, cyfeiriad y swyddfa gofrestredig (os nad yw wedi’i ddiddymu), côd post (os nad yw wedi’i ddiddymu), dyddiad diddymu (neu amrediad o ddyddiadau), math o gwmni, statws y cwmni a newid enw.
Cynhyrchir y Mynegai Newid Enw a Chwmnïau wedi eu Diddymu ar DVD-ROM bob blwyddyn a’i gost yw £30. Mae copïau ar gael o Ganolfannau Gwybodaeth Tŷ’r Cwmnïau, neu gallwch brynu DVD ROM dros y ffôn oddi wrth yr Adran Gofal am Gwsmeriaid ar 02920 380820 a thalu gyda Cherdyn Credyd/Debyd neu drwy lythyr ynghyd â siec yn daladwy i ‘Tŷ’r Cwmnïau’ a’i hanfon at Gofal am Gwsmeriaid, Tŷ’r Cwmnïau, Ffordd y Goron, Caerdydd, CF14 3UZ.
Sylwch Ni ellir allfudo’r wybodaeth a ddangosir ar y ‘Mynegai Newid Enw a Chwmnïau wedi eu Diddymu ar DVD ROM’, ond rydym yn darparu fersiwn unigol o’r Mynegai gyda ffeiliau y gellir eu hallfudo am £1,200. Y nifer fwyaf o ganlyniadau y gellir eu hallfudo ar unrhyw adeg yw 30,000.
Am wybodaeth bellach neu ymholiadau ynghylch y cynhyrchion DVD ROM, ffoniwch (0)29 20 380820 neu e-bostiwch eich enw, enw’ch cwmni, eich cyfeiriad post llawn a’ch rhif ffôn, gan nodi pa gynnyrch mae gennych ddiddordeb ynddo, at products@companieshouse.gov.uk 
Canolfannau Gwybodaeth Tŷ'r CwmnïauCynhaliwn Ganolfannau Gwybodaeth yng Nghaerdydd, Llundain a Chaeredin. Mae’r Canolfannau Gwybodaeth yn darparu cysylltiad â’n cynhyrchion a’n gwasanaethau ar-lein, yn ogystal â gadael ichi sicrhau ffurflenni, ffeilio’ch dogfennau, corffori cwmnïau newydd (yr un diwrnod os bydd angen!) a chael gwybodaeth a chanllawiau cyffredinol ynghylch ein gwasanaethau.
Cliciwch yma am fanylion sut i gyrraedd ein Canolfannau GwybodaethCanolfan Cysylltu Tŷ'r Cwmnïau
Gall staff ein Canolfan Cysylltu ddelio â’r mwyafrif o ymholiadau cyffredinol ynghylch materion yn ymwneud â Thy’r Cwmnïau a’r gwasanaethau a roddwn. Fel arfer, byddant yn rhoi ichi ateb i’ch ymholiad yn syth, ond os na allant byddant yn eich trosglwyddo i rywun a all wneud.
Gall ein Canolfan Cysylltu hefyd gymryd archebion ar gyfer dogfennau cwmni, a anfonir wedyn drwy’r post, dros beiriant ffacs neu fe
l e-bost. Gellir talu â siec os archebwch drwy’r post; neu cewch archebu dros y ffôn os ydych yn talu drwy gerdyn credyd neu fod gennych chi gyfrif. Gellir cyflenwi copïau o ddogfennau unigol dros y ffacs neu fel e-bost ar gyfer pobl sy’n talu drwy gerdyn credyd neu sydd â chyfrif. Cliciwch yma i gyrchu rhestr brisiau'n Canolfan Cysyllt Gallwch ffonio'n Canolfan Cysylltu ar 0870 33 33 636 neu anfon neges e-bost at enquiries@companies-house.gov.uk |
Yn ôlBrigArgraffu'r tudalenTudalen e-bostMap o'r wefan
Canolfan Cysylltu: +44 (0)870 33 33 636 ar gael 08:30 hyd 18:00 (amser y DU) 
Ebost: 
